తాళ్లపల్లిగూడ, జూలై 25: శయన ఏకాదశి సందర్భంగా తాళ్లపల్లిగూడ గ్రామంలోని శ్రీ భవానీ రామలింగేశ్వర స్వామి దేవాలయంలో శనివారం సామూహిక సత్యనారాయణ వ్రతం భక్తిశ్రద్ధలతో నిర్వహించారు. వ్రతంలో గ్రామానికి చెందిన దంపతులు, భక్తులు పెద్ద సంఖ్యలో పాల్గొని ప్రత్యేక పూజలు నిర్వహించారు.

వ్రతం అనంతరం సాయంత్రం భజన సంకీర్తనలు, హనుమాన్ చాలీసా పారాయణం నిర్వహించగా ఆలయ ప్రాంగణం భక్తులతో కిక్కిరిసింది. ఆధ్యాత్మిక వాతావరణంలో జరిగిన కార్యక్రమంలో భక్తులు విశేషంగా పాల్గొన్నారు.

ఈ సందర్భంగా దేవాలయ చైర్మన్ డా. బిక్షపతి, గ్రామ సర్పంచ్ జోగు శంకర్, గ్రామ పెద్దలు గోగిరెడ్డి లచ్చిరెడ్డి, వెంకటేశ్వర రెడ్డి తదితరులు స్వామివారికి ప్రత్యేక పూజలు నిర్వహించి భక్తులకు తీర్థప్రసాదాలు పంపిణీ చేశారు. కార్యక్రమంలో గ్రామస్తులు, మహిళలు అధిక సంఖ్యలో పాల్గొన్నారు.