చౌటుప్పల్ మున్సిపాలిటీలోని టైగర్ కుంగ్-ఫూ కరాటే అకాడమీ ఆధ్వర్యంలో ఆదివారం బెల్ట్ కండక్టింగ్ టెస్ట్ నిర్వహించారు. ముఖ్య అతిథిగా చౌటుప్పల్ మున్సిపాలిటీ చైర్మన్ మొగుదాల పావని రమేష్ గౌడ్ పాల్గొన్నారు. అకాడమీ విద్యార్థులకు వైట్, ఎల్లో, ఆరెంజ్, గ్రీన్, బ్లూ, పర్పుల్, బ్రౌన్, రెడ్, బ్లాక్ బెల్ట్ క్రమంలో పరీక్షలు నిర్వహించారు. ఈ పరీక్షల్లో విద్యార్థుల శారీరక దృఢత్వం, కిక్స్, పంచెస్, కాటా (కాటస్) ప్రదర్శనతో పాటు క్రమశిక్షణను పరీక్షించారు.5 సంవత్సరాల పైబడిన చిన్నారులకు కరాటే శిక్షణ అందిస్తున్నామని అకాడమీ నిర్వాహకులు తెలిపారు. పరీక్షల్లో ఉత్తీర్ణులైన విద్యార్థులకు మున్సిపల్ చైర్మన్ మొగుదాల పావని రమేష్ గౌడ్ చేతుల మీదుగా సర్టిఫికెట్లు అందజేశారు.ఈ కార్యక్రమంలో ఏఎంసీ డైరెక్టర్ పబ్బు శ్రీకాంత్, అకాడమీ సభ్యులు, శిక్షకులు, శిక్షణ పొందిన విద్యార్థులు పాల్గొన్నారు.