సంతోషం, శాంతి, సమృద్ధి కలగాలి

వల్లాల బుచ్చయ్య యాదవ్

సూర్యాపేట జిల్లా స్థానికం ప్రతినిధి బిక్షం

సూర్యాపేట మున్సిపాలిటీ పరిధిలోని సమస్త ప్రజలకు భోగి, సంక్రాంతి, కనుమ పండుగల శుభాకాంక్షలు అని వల్లాల బుచ్చయ్య యాదవ్ ఒక ప్రకటనలో తెలిపారు. ఈ సందర్భంగా ఆయన మాట్లాడుతూ, తెలుగు ప్రజల సంస్కృతి, సంప్రదాయాలకు ప్రతీకలైన ఈ పండుగలు ప్రతి ఇంటికి సుఖసంతోషాలు, శాంతి, సమృద్ధి తీసుకురావాలని ఆకాంక్షించారు. కుటుంబ సభ్యులు, బంధువులు, స్నేహితులతో కలిసి పండుగలను ఆనందంగా జరుపుకోవాలని కోరారు. భోగి పండుగ ద్వారా పాత బాధలు, కష్టాలను విడిచిపెట్టి కొత్త ఆశలతో, సానుకూల దృక్పథంతో ముందుకు సాగాలని, సంక్రాంతి పండుగ రైతులకు, ప్రజలకు మంచి పంటలు, శ్రేయస్సు అందించాలని, కనుమ పండుగ పశుసంపద అభివృద్ధికి దోహదపడాలని ఆయన తెలిపారు. సూర్యాపేట మున్సిపాలిటీ ప్రజలందరూ ఐక్యతతో, సోదరభావంతో పండుగలను జరుపుకుని, కొత్త సంవత్సరంలో మంచి ఫలితాలు సాధించాలని కోరుతూ మరోసారి హృదయపూర్వక శుభాకాంక్షలు తెలిపారు.