భోగి బండార్ కార్యక్రమం నిర్వహించిన సర్పంచ్ బానోతు పుష్ప రవి

గ్రామ పెద్దలు, నాయకులు, మహిళలు విశేషంగా పాల్గొనడం

గ్రామంలో శ్రీ శ్రీ శ్రీ సంత్ సేవాలాల్ మహారాజ్ 287వ జయంతి ఉత్సవాలు భక్తిశ్రద్ధలతో ఘనంగా నిర్వహించారు. ఈ సందర్భంగా భోగి బండార్ కార్యక్రమాన్ని సర్పంచ్ బానోతు పుష్ప రవి ఆధ్వర్యంలో నిర్వహించారు.జయంతి సందర్భంగా మహారాజ్ విగ్రహానికి పూలమాలలు వేసి నివాళులర్పించారు. అనంతరం ప్రత్యేక పూజలు నిర్వహించి భక్తులకు ప్రసాదాలు పంపిణీ చేశారు. బంజారా సంప్రదాయాల ప్రకారం భోగి బండార్ కార్యక్రమాన్ని నిర్వహించగా గ్రామస్తులు ఉత్సాహంగా పాల్గొన్నారు.ఈ కార్యక్రమంలో మాజీ సర్పంచ్ నాగేశ్వరావు, రామూర్తి, వార్డు బాలాజీ, నాయకులు గుగులోత్ లచ్చు నాయక్, బానోతు ధర్మ, వడ్తయ్య బాలకృష్ణ, సూక్య, యల్లయ్య, వీరన్న తదితరులు పాల్గొన్నారు. మహిళల్లో వడ్తయ్య రాజమ్మ, సాలమ్మా పాల్గొని కార్యక్రమానికి ప్రత్యేక ఆకర్షణగా నిలిచారు.సంత్ సేవాలాల్ మహారాజ్ బోధించిన సామాజిక సమానత్వం, ఐక్యత, సేవా భావం మార్గదర్శకంగా తీసుకొని ముందుకు సాగాలని వక్తలు పిలుపునిచ్చారు. గ్రామంలో ఆధ్యాత్మిక వాతావరణం నెలకొంది.