నల్గొండ పట్టణంలోని సెయింట్ ఆల్ఫెన్సెస్ స్కూల్‌లో షావోలిన్ షోటోఖాన్ స్పోర్ట్స్ కరాటే వేసవి శిక్షణ శిబిరాన్ని ఘనంగా ప్రారంభించారు.

ప్రిన్సిపల్ రెవెరెన్ బ్రదర్ హృదయ్ కుమార్ రెడ్డి, రెవెరెన్ బ్రదర్ సెబాస్టియన్ శిబిరాన్ని ప్రారంభించారు. ఈ సందర్భంగా వారు మాట్లాడుతూ శిక్షణ శిబిరం ప్రతిరోజు ఉదయం 7 నుంచి 8 గంటల వరకు నిర్వహిస్తామని, విద్యార్థులు ఈ అవకాశాన్ని సద్వినియోగం చేసుకోవాలని సూచించారు.

ఈ కార్యక్రమంలో బ్లాక్ బెల్ట్ 7వ డాన్ ఇండియా చీఫ్ ఇన్‌స్ట్రక్టర్ నాంపల్లి కనకారావు మాట్లాడుతూ కరాటే శిక్షణ ద్వారా శారీరక దారుఢ్యం, ఆత్మరక్షణ నైపుణ్యాలు పెరుగుతాయని తెలిపారు. అలాగే షావోలిన్ షోటోఖాన్ సీనియర్ ఇన్‌స్ట్రక్టర్ కట్ట అయోధ్య రాములు పాల్గొన్నారు.

ప్రారంభోత్సవంలో పీఈటీ టీచర్లు జి. జయంత్ కుమార్, బి. అంబ్రోస్, ఎం. లక్ష్మి, ఎం. రాజు, పాఠశాల సిబ్బంది పాల్గొన్నారు.