చౌటుప్పల్ మున్సిపాలిటీలోని 13వ వార్డు రామ్‌నగర్ కాలనీలో 80వ స్వాతంత్ర్య దినోత్సవ వేడుకలను అత్యంత వైభవంగా జరుపుకున్నారు. రామ్‌నగర్ యూత్ అండ్ వెల్ఫేర్ అసోసియేషన్ ఆధ్వర్యంలో ఏర్పాటు చేసిన ఈ జెండా పండుగ కార్యక్రమంలో కాలనీవాసులు, యువత ఉత్సాహంగా పాల్గొన్నారు. ​ఈ సందర్భంగా కాలనీకి చెందిన పెద్దలు, గ్రామ ప్రజలు, యూత్ సభ్యులు పెద్ద ఎత్తున హాజరై జాతీయ జెండాను ఆవిష్కరించి, సమైక్యంగా వేడుకలను విజయవంతం చేశారు. మన దేశ స్వాతంత్ర్య సమరయోధుల త్యాగాలను స్మరించుకుంటూ కాలనీలో స్వీట్లు పంపిణీ చేశారు. కాలనీ అభివృద్ధిలోనూ, ఇటువంటి జాతీయ పండుగలలోనూ యువత సమిష్టిగా ముందుకు రావడం అభినందనీయమని ప్రతినిధులు అన్నారు.