కూరగాయల సాగుకు ప్రభుత్వం ప్రోత్సాహం అందిస్తోందని రాష్ట్ర వ్యవసాయ శాఖ కమిషనర్ సురేంద్రమోహన్ అన్నారు.శనివారం కోదాడ మండలం గుడిబండలో కూరగాయల తోటలను పరిశీలించి, రైతులతో మాట్లాడారు.తక్కువ నీటితో సాగు చేసుకునే ఆరుతడి పంటలకు ప్రాధాన్యం ఇవ్వాలని సూచించారు. డ్రిప్ పరికరాలు, విత్తనాలు, మొక్కజొన్న విత్తనాలపై ప్రభుత్వం సబ్సిడీలు అందిస్తోందని తెలిపారు.రైతులు ఈ పథకాలను సద్వినియోగం చేసుకుని సాగు ఖర్చులు తగ్గించుకుంటూ, ఆదాయం పెంచుకోవాలని సూచించారు.