సద్దుల బతుకమ్మ, దసరా పండుగల నేపథ్యంలో కోదాడ పట్టణంలోని బస్టాండ్ ప్రయాణికులతో శనివారం కిటకిటలాడింది.హైదరాబాద్ నుంచి ఆంధ్రప్రదేశ్‌లోని వివిధ ప్రాంతాలతో పాటు కోదాడ పరిసర గ్రామాలకు వెళ్లేందుకు ప్రజలు పెద్ద సంఖ్యలో తరలివచ్చారు.పండుగలను కుటుంబ సభ్యులతో కలిసి జరుపుకునేందుకు సొంతూళ్లకు బయలుదేరిన ప్రయాణికులతో బస్టాండ్‌లో సందడి నెలకొంది.రాకపోకలు పెరగడంతో బస్టాండ్ రద్దీగా మారింది.