శ్రీ సత్యసాయి జిల్లా పెనుగొండ మండలంలోని గుట్టూరు గ్రామంలో జీ.పీ.ఎస్ ఫంక్షన్ హాల్‌లో టీడీపీ నాయకులు మరియు గుట్టూరు గ్రామ మాజీ సర్పంచ్ శ్రీ సూరనారాయణ ఆధ్వర్యంలో పవిత్ర రంజాన్ ఉపవాస దీక్ష సందర్భంగా ఇఫ్తార్ విందును ఘనంగా నిర్వహించారు.

ఈ సందర్భంగా ముస్లిం సోదరులకు పవిత్ర రంజాన్ మాస శుభాకాంక్షలు తెలియజేశారు. సమాజంలో సౌహార్దం, ఐక్యత మరియు పరస్పర సహకారం మరింత బలపడాలని ఆకాంక్షించారు. అలాగే ప్రతి మతాన్ని గౌరవిస్తూ అందరూ కలిసి సంతోషంగా జీవించాలని పేర్కొన్నారు.

ఈ కార్యక్రమంలో గుట్టూరు గ్రామానికి చెందిన మైనార్టీ సోదరులు, తెలుగు దేశం పార్టీ నాయకులు, ఎన్డీఏ కూటమి నాయకులు మరియు కార్యకర్తలు, గ్రామ పెద్దలు, తదితరులు పాల్గొన్నారు.