నారాయణఖేడ్ పట్టణ ప్రజాస్వామ్య చరిత్రలో ఓ కీలక ఘట్టం ఆవిష్కృతమవుతోంది. ఇటీవల నిర్వహించిన మున్సిపల్ ఎన్నికల్లో మొత్తం 15 వార్డుల్లో 11 వార్డులను గెలుచుకుని కాంగ్రెస్ పార్టీ ఘన విజయం సాధించింది. ప్రజల విశ్వాసాన్ని చూరగొన్న ఈ విజయంతో నారాయణఖేడ్ మున్సిపాలిటీపై కాంగ్రెస్ జెండా ఎగరవేయబడుతోంది.ఎనిమిదో వార్డు నుండి భారీ మెజార్టీతో గెలుపొందిన ఉమ్మడి మెదక్ జిల్లా మాజీ ప్రణాళిక సంఘం సభ్యులు నాగేష్ షేట్కార్ సోమవారం 16వ తేదీన మున్సిపల్ చైర్మన్‌గా ప్రమాణ స్వీకారం చేయనున్నారు. గతంలో నారాయణఖేడ్ సర్పంచ్‌గా, కంగ్టి మండల జడ్పిటిసి‌గా ప్రజాసేవలో తనదైన ముద్ర వేసిన ఆయన ఇప్పుడు మున్సిపల్ చైర్మన్ పదవిని అలంకరించబోతుండడం కాంగ్రెస్ కార్యకర్తల్లో ఉత్సాహాన్ని నింపింది.ఈ విజయానికి తోడ్పడిన ప్రముఖుల్లో ఎంపీ సురేష్ కుమార్ షేట్కార్,ఎమ్మెల్యే పి సంజీవరెడ్డి, రాష్ట్ర నాయకులు పి చంద్రశేఖర్ రెడ్డి,పీసీసీ సభ్యులు కే. శ్రీనివాస్,యువత నాయకులు సాగర్ షేట్కార్,రాష్ట్ర ప్రధాన కార్యదర్శి రాకేష్ షేట్కార్, తదితర నాయకుల కృషి విశేషంగా నిలిచింది. వారి సమిష్టి ప్రయత్నాలు, కార్యకర్తల శ్రమ, ప్రజల ఆశీర్వాదం కలిసి కాంగ్రెస్ పార్టీకి ఈ విజయాన్ని అందించాయి.మున్సిపల్ కార్యాలయంలో జరిగే ప్రమాణ స్వీకార కార్యక్రమానికి అధికారులు అన్ని ఏర్పాట్లు పూర్తి చేస్తున్నారు. ఈ కార్యక్రమానికి ఎంపీ, ఎమ్మెల్యేలు, కాంగ్రెస్ పార్టీ నాయకులు, కార్యకర్తలు, అభిమానులు, అలాగే పెద్ద సంఖ్యలో ప్రజలు హాజరుకానున్నారు. నారాయణఖేడ్ నియోజకవర్గంలోని గ్రామాల్లో సంబరాలు, ఆనందోత్సవాలు నెలకొన్నాయి.మున్సిపల్ చైర్మన్‌గా బాధ్యతలు స్వీకరించిన అనంతరం ఎన్నికల సమయంలో ఇచ్చిన హామీలన్నింటిని వార్డు వారీగా అమలు చేసి పట్టణ అభివృద్ధికి కట్టుబడి పనిచేస్తానని నగేష్ కుమార్ సెట్ కార్ గారు స్పష్టం చేశారు. మహిళలు, యువత, విద్యావంతులు, మేధావులు—అందరూ ఆయన నాయకత్వంపై పూర్తి నమ్మకం వ్యక్తం చేస్తున్నారు.నారాయణఖేడ్ మున్సిపాలిటీలో కొత్త అభివృద్ధి అధ్యాయం ప్రారంభమవుతున్న ఈ వేళ, ప్రజల ఆశలు, ఆకాంక్షలను నెరవేర్చే దిశగా కొత్త చైర్మన్ నాయకత్వం సాగాలని అందరూ ఆశిస్తున్నారు.