చౌటుప్పల్ (మండలం) తూప్రాన్‌పేట సమీపంలో విషాద ఘటన చోటుచేసుకుంది. ప్రభాస్ నటిస్తున్న ‘ఫౌజీ’ సినిమా షూటింగ్‌కు వెళ్తున్న క్యాటరింగ్ వాహనం అదుపు తప్పి డివైడర్‌ను ఢీకొట్టింది. ఈ ప్రమాదంలో ఒకరు మృతి చెందగా, మరో ఐదుగురు తీవ్రంగా గాయపడ్డారు.

గాయపడిన వారిని వెంటనే హైదరాబాద్‌లోని కిమ్స్ ఆసుపత్రికి తరలించారు. మల్కాపురం గుట్టల ప్రాంతంలో గత కొద్ది రోజులుగా ‘ఫౌజీ’ మూవీ షూటింగ్ జరుగుతోంది. షూటింగ్‌కు వెళ్తున్న సమయంలోనే ఈ దుర్ఘటన చోటుచేసుకోవడం కలకలం రేపింది.ప్రమాదానికి సంబంధించిన పూర్తి వివరాలు తెలియాల్సి ఉంది. పోలీసులు కేసు నమోదు చేసి దర్యాప్తు చేపట్టారు.