నారాయణఖేడ్ స్థానిక ప్రతినిధి కృష్ణ : సంగారెడ్డి జిల్లా నారాయణఖేడ్ నియోజకవర్గంలో నారాయణఖేడ్ మండల పరిధిలోని పోతనపల్లి (R) గ్రామంలో గ్రామ సర్పంచ్ శ్రీధర్ రెడ్డి ఆధ్వర్యంలో లయన్స్ క్లబ్ సహకారంతో గ్రామానికి చెందిన నాయకుడు మల్లేష్ కుటుంబానికి శనివారం నెలకు సరిపడా నిత్యావసర సరుకులను అందజేశారు. ఆర్థికంగా వెనుకబడిన కుటుంబానికి సహాయం అందించడం అభినందనీయమని సర్పంచ్ ఈ సందర్భంగా తెలిపారు. సమాజ సేవలో భాగంగా లయన్స్ క్లబ్ చేస్తున్న సేవలు గ్రామానికి ఎంతో ఉపయోగపడుతున్నాయని అన్నారు.ఈ కార్యక్రమంలో పాల్గొన్న గ్రామ నాయకులు, గ్రామస్తులు లయన్స్ క్లబ్ బాధ్యులకు కృతజ్ఞతలు తెలియజేశారు. ఇలాంటి సేవా కార్యక్రమాలు మరిన్ని నిర్వహించాలని వారు కోరారు. కార్యక్రమంలో నాయకులు నర్సింలు, చల్ల సాయి రెడ్డి, చల్ల గోపాల్ రెడ్డి, ఉప్పరి మారుతి, ఉప్పరి కాశీరాం, తుమ్నూర్ సిద్ధు, పుచ్చ నగేష్, నాయకుడు శ్రీను, కుందేల్ విట్టల్, నాయకుడు సంగన్న, నీరుడి నాగయ్యతో పాటు గ్రామ వివేకానంద యూత్ సభ్యులు పాల్గొన్నారు.