పెద్దకాపర్తిలో ఉచిత ఆరోగ్య శిబిరం

నిరుపేదలకు ఏఐజి వైద్యుల సేవలు – ప్రజారోగ్యానికి తోడ్పాటు

స్థానిక ప్రతినిధి చిట్యాల

గ్రామీణ ప్రాంతాల్లో నిరుపేదల ఆరోగ్య పరిరక్షణే లక్ష్యంగా పెద్దకాపర్తి గ్రామంలో ఉచిత ఆరోగ్య శిబిరాన్ని నిర్వహించారు. ఏఐజి హాస్పిటల్‌కు చెందిన ప్రముఖ వైద్యులు డాక్టర్ వి. కులకర్ణి, డాక్టర్ దువ్వూరి నాగేశ్వరరావు బృందం సౌజన్యంతో ఈ శిబిరం ఏర్పాటు చేయడం విశేషం.

ఈ కార్యక్రమాన్ని పెద్దకాపర్తి గ్రామ సర్పంచ్ కాటం వెంకటేశం గారు అధికారికంగా ప్రారంభించారు. ఈ సందర్భంగా ఆయన మాట్లాడుతూ, పేద రైతులు, వ్యవసాయ కూలీలు ఇలాంటి ఉచిత వైద్య సేవలను సద్వినియోగం చేసుకుని తమ ఆరోగ్యాన్ని కాపాడుకోవాలని కోరారు.

శిబిరంలో హార్ట్, లివర్, కిడ్నీ సంబంధిత స్కానింగ్లు, వైద్య పరీక్షలను పూర్తిగా ఉచితంగా నిర్వహించారు. గ్రామీణ ప్రజలు పెద్ద సంఖ్యలో హాజరై పరీక్షలు చేయించుకున్నారు.

ఈ కార్యక్రమంలో ఉపసర్పంచ్ ఓర్సు సైదులు, ఏర్పుల యాదయ్య, చిలుకల కృష్ణ, నరేష్ తదితర గ్రామ పెద్దలు, ప్రజాప్రతినిధులు పాల్గొని వైద్య శిబిరం విజయవంతానికి సహకరించారు.