నకిరేకల్ 18వ వార్డులో బాలల సంరక్షణ దినోత్సవం

స్థానిక ప్రతినిధి నకిరేకల్

నకిరేకల్ నియోజకవర్గ కేంద్రంలోని 18వ వార్డులో బాలల సంరక్షణ దినోత్సవ సమావేశాన్ని నిర్వహించారు. ఈ కార్యక్రమానికి మున్సిపల్ కౌన్సిలర్ దైద స్వప్న–రవీందర్ అధ్యక్షత వహించారు.

సమావేశంలో వారు మాట్లాడుతూ బాలికలపై జరుగుతున్న లైంగిక వేధింపులను కట్టడి చేయాల్సిన అవసరం ఉందన్నారు. తల్లిదండ్రులు పిల్లల నడవడికపై నిరంతరం పర్యవేక్షణ చేయాలని, యువత గంజాయి వంటి మత్తు పదార్థాలకు బానిస కాకుండా ప్రతి కదలికపై దృష్టి పెట్టాలని సూచించారు. పిల్లల భద్రత, భవిష్యత్ పరిరక్షణలో కుటుంబం, సమాజం కీలక పాత్ర పోషించాల్సిన అవసరం ఉందని పేర్కొన్నారు.

ఈ కార్యక్రమంలో మున్సిపల్ వార్డు శాఖ అధికారి వి. జనార్ధన్, ICDS సూపర్వైజర్ రేవతి, DCPU కౌన్సిలర్ సునీత, పోలీస్ అధికారులు, ఆశా వర్కర్లు, అంగన్వాడీ టీచర్లు, ఎన్‌జీఓ ప్రతినిధులు, సమభావన సంఘాల కార్యకర్తలు, కాలనీ వాసులు, యువ నాయకులు పాల్గొన్నారు.