తుంగతుర్తి నియోజకవర్గం నాగారం మండల కేంద్రంతో పాటు, మండల పరిధిలోని లక్ష్మాపురం, నాగారంబంగ్లా, ఈటూరు, వర్థమానుకోట, నర్సింహులగూడెం తదితర గ్రామాల్లో బోనాల పండుగను ప్రజలు గురువారం ఘనంగా జరుపుకున్నారు. ఈ సందర్బంగా మహిళలు భక్తిశ్రద్ధలతో బోనాలను అలంకరించుకొని, డప్పుచప్పుళ్లు గ్రామంలోని పురవీధుల గుండ ర్యాలీ నిర్వహించారు. అనంతరం ముత్యాలమ్మ అమ్మవారికి బోనాలను నైవేద్యంగా సమర్పించారు. అలాగే భక్తులు అమ్మవారికి టెంకాయలు సమర్పించి తమ, తమ మొక్కలను తీర్చుకున్నారు. నర్సింహులగూడెం గ్రామంలో పోతరాజు వేషదారణ పలువురిని ఆకట్టుకుంది. ఈ కార్యక్రమంలో ఆయా గ్రామాల సర్పంచ్‌లు, మహిళలు, గ్రామస్థులు తదితరులు పాల్గొన్నారు.