నాలుగు విభాగాల్లో బహుమతుల సాధన

ఆరుట్ల, సెప్టెంబర్ 3: తెలంగాణ పబ్లిక్ స్కూల్ (ఆరుట్ల)లో నిర్వహించిన మండల స్థాయి క్రీడా పోటీల్లో అంబోత్ తండా సీఐసీఎఫ్ పాఠశాల విద్యార్థులు సత్తా చాటారు. నాలుగు విభాగాల్లో ప్రతిభ కనబరిచి బహుమతులు సాధించారు.

జూనియర్ బాలికల విభాగంలో ప్రథమ బహుమతి, సీనియర్ బాలికల విభాగంలో ద్వితీయ బహుమతి, సీనియర్ బాలుర విభాగంలో ప్రథమ బహుమతి, జూనియర్ బాలుర విభాగంలో ద్వితీయ బహుమతి కైవసం చేసుకున్నారు.

విద్యార్థుల ప్రతిభకు కృషి చేసిన పాఠశాల PET లింగస్వామి, ఇంచార్జ్ అంబోత్ శ్రీనివాస్‌లను పాఠశాల హెడ్‌మాస్టర్ ఎన్. శ్రీనివాస్, ఉపాధ్యాయ బృందం అభినందించారు. విద్యార్థుల విజయంపై పలువురు హర్షం వ్యక్తం చేసి శుభాకాంక్షలు తెలిపారు.