నారాయణఖేడ్ పురపాలక సంఘం పరిధిలోని మెప్మా విభాగం ఆధ్వర్యంలో నారాయణఖేడ్ పట్టణ సమాఖ్యకు చెందిన 8వ వార్డు మన్సూర్‌పూర్ స్లమ్ సమాఖ్య సమావేశం నిర్వహించారు. ఈ సమావేశానికి మున్సిపల్ చైర్మన్ నాగేష్ కుమార్ షేట్కార్ హాజరై మహిళలకు పలు సూచనలు చేశారు.ఈ సందర్భంగా ఆయన మాట్లాడుతూ మహిళలు స్వయం సమృద్ధిగా ఎదగాలని, బ్యాంకుల ద్వారా వడ్డీ లేని రుణాలు తీసుకొని చిన్న చిన్న వ్యాపారాలు ప్రారంభించుకోవాలని సూచించారు. ఆ వ్యాపారాలను అభివృద్ధి చేసుకుంటూ సమయానికి బ్యాంకు రుణాలను తిరిగి చెల్లిస్తే కుటుంబ ఆర్థిక స్థితి మెరుగుపడుతుందని తెలిపారు. మహిళలు సంఘాల ద్వారా కలిసికట్టుగా పనిచేస్తే మరింత అభివృద్ధి సాధించవచ్చని చెప్పారు. ప్రభుత్వ పథకాలను సద్వినియోగం చేసుకుని ప్రతి మహిళ ఆర్థికంగా బలపడాలని ఆయన కోరారు.ఈ కార్యక్రమంలో మున్సిపల్ వైస్ చైర్మన్ దారం శంకర్, గౌరవ కౌన్సిలర్లు, మున్సిపల్ కమిషనర్ జేగ్జీవన్, మున్సిపల్ మేనేజర్, మెప్మా విభాగానికి చెందిన పట్టణ సమన్వయకర్త, సమాఖ్య ప్రతినిధులు, సమాఖ్య బాధ్యతదారులు, మహిళా సంఘాల సభ్యులు పాల్గొన్నారు. సమావేశంలో మహిళల సమస్యలు, వ్యాపార అవకాశాలు, సంఘాల బలోపేతం వంటి అంశాలపై చర్చించారు.