​గ్రామ పంచాయతీ నిధులతో మరమ్మతులు | ప్రారంభించిన సర్పంచ్ నిరంజన్ గౌడ్

చౌటుప్పల్ స్థానికం ప్రతినిధి:

మల్కాపురం గ్రామంలో దెబ్బతిన్న అంగన్‌వాడీ కేంద్రాన్ని గ్రామ పంచాయతీ నిధులతో పునరుద్ధరించినట్లు సర్పంచ్ గిర్కటి నిరంజన్ గౌడ్ తెలిపారు. బుధవారం పునరుద్ధరించిన అంగన్‌వాడీ భవనాన్ని ఆయన ముఖ్య అతిథిగా హాజరై ప్రారంభించారు. ఈ సందర్భంగా సర్పంచ్ మాట్లాడుతూ.. చిన్నారులకు, గర్భిణులకు మెరుగైన వాతావరణంలో అంగన్‌వాడీ సేవలు అందించేందుకే పంచాయతీ నిధులను వెచ్చించి త్వరితగతిన మరమ్మతు పనులు పూర్తి చేయించినట్లు వెల్లడించారు.​ఈ కార్యక్రమంలో వార్డు సభ్యులు సుంకరి విజయ్‌కుమార్ గౌడ్, పొట్లపల్లి శివశంకర్ గౌడ్, సంగెం రవితేజ, ఒంటెడు రాజు, కొత్త మహేష్ యాదవ్ తదితరులు పాల్గొన్నారు.