సంగారెడ్డి జిల్లా పుల్కల్ మండల పరిధిలోని పెద్దారెడ్డిపేట్ గ్రామంలో గ్రామ సర్పంచ్ కుమ్మరి అనసూజ లింగయ్య ఒక ప్రకటనలో ముఖ్యమైన నిర్ణయాన్ని వెల్లడించారు.గ్రామంలో శాంతి, ఆరోగ్యం మరియు కుటుంబ సౌఖ్యం కాపాడే లక్ష్యంతో ఉగాది పండుగ నుండి మద్యపాన నిషేధాన్ని అమలు చేయనున్నట్లు తెలిపారు.గ్రామంలో మద్యపానం కారణంగా కుటుంబాల్లో కలహాలు, ఆరోగ్య సమస్యలు,ఆర్థిక ఇబ్బందులు పెరుగుతున్నాయని గుర్తించిన గ్రామ పెద్దలు మరియు ప్రజల అభిప్రాయాలను పరిగణలోకి తీసుకుని ఈ నిర్ణయం తీసుకున్నట్లు పేర్కొన్నారు.ఈ నిర్ణయానికి గ్రామ ప్రజలందరూ సహకరించాలని,గ్రామాభివృద్ధి మరియు శ్రేయస్సు కోసం ప్రతి ఒక్కరూ బాధ్యతగా వ్యవహరించాలని కోరారు.అదేవిధంగా,మద్యపానం నిషేధాన్ని కట్టుదిట్టంగా అమలు చేసేందుకు ప్రత్యేక చర్యలు తీసుకుంటామని,నిబంధనలు ఉల్లంఘించే వారిపై తగిన చర్యలు తీసుకుంటామని హెచ్చరించారు.ఈ కార్యక్రమం ద్వారా గ్రామాన్ని మద్యరహిత గ్రామంగా మార్చాలని లక్ష్యంగా పెట్టుకున్నట్లు తెలిపారు.