నారాయణఖేడ్ సబ్ కలెక్టర్ ఉమా హారతి

నారాయణఖేడ్ స్థానిక ప్రతినిధి:నారాయణఖేడ్ నియోజకవర్గం ప్రజలు అన్ని రంగాల్లో ముందంజలో నిలిచి సుఖసంతోషాలతో జీవించాలని నారాయణఖేడ్ సబ్ కలెక్టర్ ఉమా హారతి ఆకాంక్షించారు. ఆంగ్ల నూతన సంవత్సరం 2026 సందర్భంగా నారాయణఖేడ్ సబ్ డివిజన్ ప్రజలకు హృదయపూర్వక శుభాకాంక్షలు తెలిపారు. ప్రతి ఒక్కరూ కొత్త ఏడాదిలో తమకంటూ స్పష్టమైన లక్ష్యాలను నిర్దేశించుకొని, ప్రణాళికాబద్ధంగా వాటిని సాధించే దిశగా ముందుకు సాగాలని సూచించారు. కొత్త ఆలోచనలు, మంచి నిర్ణయాలు, ఉన్నత ఆశయాలతో 2026 సంవత్సరాన్ని ప్రారంభించాలని అన్నారు. గత సంవత్సరం కంటే మరింత మెరుగైన విజయాలను సాధిస్తూ వ్యక్తిగతంగా, సామాజికంగా అభివృద్ధి చెందాలని పిలుపునిచ్చారు. అలాగే ప్రభుత్వ నిబంధనలను పాటిస్తూ నూతన సంవత్సర వేడుకలను సంయమనంతో జరుపుకోవాలని కోరారు. నారాయణఖేడ్ సబ్ డివిజన్ ప్రజలందరూ ఆయురారోగ్యాలతో, ఆనందోత్సాహాలతో కొత్త ఏడాదిని స్వాగతించాలి ఆకాంక్షిస్తూ నారాయణఖేడ్ సబ్ కలెక్టర్ ఉమా హారతి నూతన సంవత్సర శుభాకాంక్షలు తెలిపారు.