కేక్ కట్ చేసి స్వీట్లు పంచుకున్న అభిమానులు, కార్యకర్తలు

కూసుమంచి: కూసుమంచి మండల కేంద్రంలో తెలంగాణ రాష్ట్ర ఆవిర్భావ కర్త, మాజీ ముఖ్యమంత్రి కల్వకుంట్ల చంద్రశేఖర రావు జన్మదిన వేడుకలు ఘనంగా నిర్వహించారు.మండల పార్టీ ఆధ్వర్యంలో, ఎమ్మెల్యే కందాళ ఉపేందర్ రెడ్డి ఆదేశాల మేరకు నిర్వహించిన ఈ వేడుకల్లో నాయకులు, కార్యకర్తలు కేక్ కట్ చేసి స్వీట్లు పంచుకున్నారు. కేసీఆర్ దీర్ఘాయుష్షు కలగాలని ఆకాంక్షించారు.తెలంగాణ సాధకుడు, తెలంగాణ రథసారథి అని అభివర్ణిస్తూ ఆయన సేవలను కొనియాడారు. రాష్ట్ర అభివృద్ధికి చేసిన కృషి చిరస్మరణీయమని పేర్కొన్నారు. ఈ కార్యక్రమంలో మండల పార్టీ అధ్యక్షులు, కార్యదర్శులు, ప్రజాప్రతినిధులు, మాజీ ప్రజాప్రతినిధులు, స్థానిక నాయకులు తదితరులు పాల్గొన్నారు.