బిఆర్ఎస్ వార్డు మెంబర్ దారుణ హతం!

సూర్యాపేట జిల్లా: తుంగతుర్తి మండలం కొత్తగూడెంలో దారుణ హత్య ఘటన కలకలం రేపింది. బీఆర్ఎస్ పార్టీకి చెందిన వార్డు మెంబర్ కంచం సందీప్ (30)ను గుర్తుతెలియని దుండగులు కత్తులతో నరికి హత్య చేశారు. ఈ ఘటన స్థానికంగా తీవ్ర సంచలనం సృష్టించింది.

సందీప్ హత్యకు గల కారణాలు ఇంకా తెలియరాలేదు. ఘటనపై సమాచారం అందుకున్న పోలీసులు కేసు నమోదు చేసి దర్యాప్తు చేపట్టారు. హత్యకు దారితీసిన పరిస్థితులు, నిందితుల వివరాలను తెలుసుకునేందుకు పోలీసులు విచారణ కొనసాగిస్తున్నారు. ఈ ఘటనకు సంబంధించి పూర్తి వివరాలు తెలియాల్సి ఉంది.