చౌటుప్పల్ స్థానికం ప్రతినిధి

మునుగోడు శాసనసభ్యులు కోమటిరెడ్డి రాజగోపాల్‌రెడ్డిపై మాజీ ఎమ్మెల్యే కూసుకుంట్ల ప్రభాకర్‌రెడ్డి అనుచిత వ్యాఖ్యలు చేయడం సరికాదని యువజన కాంగ్రెస్ రాష్ట్ర ప్రధాన కార్యదర్శి పెద్దగోని మౌనిక గౌడ్ అన్నారు. రాష్ట్రంలోనే ఏ ఎమ్మెల్యే చేయని విధంగా అభివృద్ధి, సహాయ కార్యక్రమాలు చేపడుతూ పేద ప్రజల ఆపద్బాంధవుడిగా నిలుస్తున్న రాజగోపాల్‌రెడ్డిపై విమర్శలు చేయడం సమంజసం కాదన్నారు. కూసుకుంట్ల ప్రభాకర్‌రెడ్డి తన మాట్లాడే విధానాన్ని మార్చుకోకపోతే, రానున్న రోజుల్లో యువజన కాంగ్రెస్ నాయకులు తగిన విధంగా బుద్ధి చెబుతాయని ఆమె పత్రికా ముఖంగా హెచ్చరించారు.