చౌటుప్పల్ కేజీబీవీలో తాత్కాలిక ఒప్పంద నియామకం – 23లోపు దరఖాస్తులు సమర్పించాలి

యాదాద్రి భువనగిరి జిల్లా, చౌటుప్పల్ మున్సిపాలిటీ కేంద్రంలోని కస్తూర్బా గాంధీ బాలిక విద్యాలయం (కేజీబీవీ) పాఠశాల–కళాశాలలో తాత్కాలిక ఒప్పంద పద్ధతిలో సహాయ వంటమనిషి పోస్టు ఖాళీగా ఉందని మండల విద్యాధికారి ఈ.గురువారావు తెలిపారు. ఈ పోస్టుకు ఆసక్తి గల స్థానిక మహిళలు ఈనెల 23వ తేదీ లోపు దరఖాస్తు చేసుకోవాలని సూచించారు. కనీస అర్హతగా ఏడవ తరగతి లేదా అంతకంటే పై తరగతి చదివి ఉండాలి. అభ్యర్థులు స్థానిక మహిళలై ఉండాలని స్పష్టం చేశారు.పూర్తిగా భర్తీ చేసిన దరఖాస్తు ఫారాలను మండల విద్యాధికారి కార్యాలయంలో సమర్పించాలి. పూర్తి వివరాల కోసం సంబంధిత కేజీబీవీ పాఠశాలను సంప్రదించవచ్చని తెలిపారు.