ఇందిరమ్మ కాలనీలో సమస్యలపై సర్పంచ్ శ్యామల

కట్టంగూర్ స్థానికం ప్రతినిధి

కట్టంగూర్ మండల కేంద్రంలోని 7వ వార్డు ఇందిరమ్మ కాలనీలో గ్రామ సర్పంచ్ శ్యామల శేఖర్ శుక్రవారం ఉదయం క్షేత్రస్థాయిలో పర్యటించారు. కాలనీ అంతటా తిరుగుతూ స్థానికులు ఎదుర్కొంటున్న మౌలిక సదుపాయాల సమస్యలను ప్రత్యక్షంగా పరిశీలించారు. బజార్లు, నివాస ప్రాంతాలను సందర్శించి అభివృద్ధి పనుల పురోగతిపై ప్రజలతో విస్తృతంగా చర్చించారు.

ఈ సందర్భంగా సర్పంచ్ మాట్లాడుతూ కాలనీలో ఉన్న సమస్యలను దశలవారీగా పరిష్కరిస్తామని, అవసరమైన అభివృద్ధి పనులు వెంటనే ప్రారంభిస్తామని హామీ ఇచ్చారు. ప్రజల అవసరాలకు అనుగుణంగా పాలన సాగించడమే లక్ష్యమని స్పష్టం చేశారు. కాలనీ అభివృద్ధికి ప్రజల సహకారం అవసరమని కోరారు.