స్థానికం ప్రతినిధి కొండ మల్లేశం గౌడ్

తెలంగాణ వ్యాప్తంగా పంచాయతీ ఎన్నికల్లో విజయం సాధించిన కొత్త సర్పంచ్లు ఈ నెల 20న అధికారికంగా బాధ్యతలు స్వీకరించనున్నారు. మూడు విడతలుగా జరిగిన ఎన్నికల్లో గెలుపొందిన సర్పంచ్లు అందరూ ఒకేసారి ప్రమాణ స్వీకారం చేసేలా ప్రభుత్వం అపాయింట్మెంట్ డేను ఖరారు చేసింది. ఈ మేరకు పంచాయతీరాజ్ శాఖ గెజిట్ నోటిఫికేషన్‌ను విడుదల చేసింది.

ఆ రోజు నుంచే రాష్ట్రంలోని 12,700 గ్రామపంచాయతీల్లో కొత్త పాలకవర్గాలు కొలువుదీరనున్నాయి. సర్పంచులు బాధ్యతలు చేపట్టిన వెంటనే గ్రామాల అభివృద్ధిపై దృష్టి సారించనున్నట్లు అధికారులు తెలిపారు. ఇదే సమయంలో గ్రామపంచాయతీలకు సంబంధించి పెండింగ్‌లో ఉన్న నిధులను విడుదల చేయాలని కేంద్ర ప్రభుత్వాన్ని రాష్ట్ర ప్రభుత్వం కోరనున్నట్లు సమాచారం.