చౌటుప్పల్ పట్టణ పరిధిలో రామాలయం ఎదురుగా నూతనంగా ఏర్పాటు చేసిన ‘YSC హెల్తీ హోమ్ ప్రొడక్ట్స్’ హోల్‌సేల్, రిటైల్ కేంద్రాన్ని చౌటుప్పల్ మున్సిపల్ చైర్‌పర్సన్ మొగుదాల పావని రమేష్ గౌడ్ శుక్రవారం ఘనంగా ప్రారంభించారు. స్థానిక చిన్నకొండూర్ రోడ్డులో యాదాద్రి శివ చరణ్ ఈ సంస్థను ఏర్పాటు చేశారు.​ఈ సందర్భంగా చైర్‌పర్సన్ మాట్లాడుతూ..ప్రజలకు నాణ్యమైన ఆహార ఉత్పత్తులు,గృహోపకరణాలను అందుబాటులోకి తీసుకురావడం అభినందనీయమన్నారు.స్థానికంగా ఇటువంటి వ్యాపార సంస్థలు రావడం వల్ల వినియోగదారులకు నాణ్యమైన సరుకులు తక్కువ ధరకే లభిస్తాయని అన్నారు. నూతన సంస్థ యజమాని శివ చరణ్‌కు ఆమె శుభాకాంక్షలు తెలియజేశారు.ఈ కార్యక్రమంలో కౌన్సిలర్ పాక చిరంజీవి, ఎస్.కె. జానీ బాబు, శివ, వెంకట్, శివాజీ, షాపు యజమాని ఐతరాజు అశోక్ స్థానిక ప్రజలు పెద్ద సంఖ్యలో పాల్గొన్నారు. నాణ్యమైన కారం, పసుపు, మసాలాలు, పచ్చళ్లు, క్లీనింగ్ ప్రొడక్ట్స్ ఒకే చోట లభించడం పట్ల స్థానికులు హర్షం వ్యక్తం చేశారు.