ఐ ఎన్ టి యు సి మున్సిపల్ అధ్యక్షుడు ముత్యాల గణేష్ కుమార్

చౌటుప్పల్ పట్టణంలో హైవేకు ఇరుప్రక్కల తోపుడు బండ్లపై చిన్నచిన్న వ్యాపారాలు చేసుకుంటూ జీవనం సాగిస్తున్న పేద కుటుంబాలు తమ సమస్యలను పరిష్కరించాలని స్థానిక ఎమ్మెల్యేను వేడుకుంటున్నాయి. ఈ వ్యాపారాల ద్వారానే తమ కుటుంబాలనుపోషించుకుంటున్నామని, ఇదే తమకు ప్రధాన జీవనాధారమని వారు తెలిపారు.పేదల పెన్నిధిగా, ఎల్లప్పుడూ పేదల అభివృద్ధి కోసం కృషి చేసే నాయకుడు మా ఎమ్మెల్యేగా ఉండటం తమ అదృష్టమని చిరు వ్యాపారులు పేర్కొన్నారు. చౌటుప్పల్ ప్రజలకు ఎమ్మెల్యే పై అపారమైన అభిమానముందని, మీరే తమకు ధైర్యమని అన్నారు.హైవే పక్కన తోపుడు బండ్లపై చిన్న వ్యాపారాలు నిర్వహిస్తూ రోజువారీ జీవనాన్ని సాగిస్తున్నామని, ఇటీవల ఎదురవుతున్న సమస్యల కారణంగా తమ జీవనోపాధి సంక్షోభంలో పడిందని ఆవేదన వ్యక్తం చేశారు.ఎమ్మెల్యే ఒకసారి తమ పరిస్థితిని గమనించి, తమ సమస్యకు శాశ్వత పరిష్కారం చూపాలని కోరారు.