తుంగతుర్తి మండలం గొట్టిపర్తి గ్రామంలో ఆదివారం నాడు గ్రామ శివాలయంలో ఆలయ అర్చకులు త్యాగరాజ శర్మ, సతీష్ శర్మ ఆధ్వర్యంలో శివపార్వతుల కళ్యాణ మహోత్సవం అంగరంగ వైభవంగా నిర్వహించారు. ఈ సందర్భంగా ఈ కళ్యాణ మహోత్సవానికిఆలయ పూజారులు వేద మంత్రాలతో ఈ కళ్యాణం నిర్వహించారు. గ్రామంలోని మహిళలు అధిక సంఖ్యలో ఈ కళ్యాణ మహోత్సవానికి పాల్గొని, ఈ మహా శివరాత్రి పర్వదినాన రైతులు పాడిపంటలతో సిరి సంపదలతో ఉండాలని, పెళ్లి కాని వారు పెళ్లి అవ్వాలని , పెళ్లి అయిన మహిళలు సంతాన కలగాలని శివుని వేడుకున్నారు. అనంతరం స్వామివారి తీర్థప్రసాదాలు తీసుకొని స్వామివారి ఆశీర్వాదం తీసుకున్నారు. ఈ కార్యక్రమంలో ప్రజాప్రతినిధులు, గ్రామస్తులు పాల్గొన్నారు.