వనస్థలిపురం, అక్టోబర్ 18:

వనస్థలిపురంలోని గణేష్ టెంపుల్ వద్ద తప్పిపోయిన నాలుగేళ్ల బాలుడిని వనస్థలిపురం పోలీసులు గంటలోపే గుర్తించి, సురక్షితంగా తల్లికి అప్పగించారు.

వనస్థలిపురం పోలీసుల వివరాల ప్రకారం.. జయంష్ రెడ్డి (4) అనే బాలుడు తప్పిపోయినట్లు అతడి తల్లి లావణ్య పోలీసులకు సమాచారం అందించారు. వెంటనే స్పందించిన పోలీస్ సిబ్బంది వెంకటేష్, సుధాకర్, మహిళా పోలీస్ సిబ్బంది ప్రేమలత బాలుడి ఆచూకీ కోసం గాలింపు చేపట్టారు. చురుగ్గా వ్యవహరించిన పోలీసులు గంటలోపే బాలుడిని గుర్తించి తల్లి లావణ్యకు క్షేమంగా అప్పగించారు.

తప్పిపోయిన బాలుడిని గంటలోపే గుర్తించి తల్లికి అప్పగించడంలో చొరవ చూపిన పోలీస్ సిబ్బందిని అభినందించారు.