నారాయణఖేడ్ మున్సిపాలిటీ పరిధిలోని బతుకమ్మ కుంట వద్ద ఆదివారం సాయంత్రం నిర్వహించనున్న బతుకమ్మ పండుగ ఏర్పాట్లను పీసీసీ సభ్యులు కే. శ్రీనివాస్ పరిశీలించారు. ఈ సందర్భంగా పండుగకు హాజరయ్యే మహిళలు, ప్రజలకు ఎలాంటి ఇబ్బందులు కలగకుండా అన్ని ఏర్పాట్లు చేయాలని సూచించారు. ఈ కార్యక్రమంలో మున్సిపల్ కౌన్సిలర్లు వివేకానంద మహేందర్, లక్ష్మణ్, షారుక్, మహేష్‌తో పాటు కాంగ్రెస్ పార్టీ సీనియర్ నాయకులు తయార్ ఆలీ, కొండల్ రెడ్డి, దత్తు రెడ్డి తదితరులు పాల్గొన్నారు.