సదాశివపేట పట్టణంలోని ఊబ చెరువు వద్ద బతుకమ్మ పండుగను పురస్కరించుకుని మున్సిపాలిటీ ఆధ్వర్యంలో మహిళలు బతుకమ్మ ఆడేందుకు ప్రత్యేక ఏర్పాట్లు చేశారు. ఈ సందర్భంగా మున్సిపల్ కమిషనర్ శివాజీ మాట్లాడుతూ.. బతుకమ్మ పండుగ తెలంగాణ సంస్కృతి, సంప్రదాయాలకు ప్రతీక అని, ఆడబిడ్డల ఆత్మగౌరవాన్ని చాటే పూల పండుగ అని తెలిపారు. ప్రతి సంవత్సరం మాదిరిగానే ఈ ఏడాది కూడా మహిళలు ఆనందోత్సాహాలతో బతుకమ్మ వేడుకలు జరుపుకునేందుకు మున్సిపల్ చైర్‌పర్సన్,వైస్ చైర్‌పర్సన్, కౌన్సిలర్లు ప్రత్యేక శ్రద్ధ తీసుకుని ఊబ చెరువు వద్ద ఏర్పాట్లు చేసినట్లు పేర్కొన్నారు. ఈ కార్యక్రమంలో కౌన్సిలర్లు షజ్జీ, 14వ వార్డు కౌన్సిలర్ ఉల్లిగడ్డల ఉమారాణి నాగరాజు,కోఆప్షన్ సభ్యుడు మునిపల్లి సత్యనారాయణ, మున్సిపల్ సిబ్బంది తదితరులు పాల్గొన్నారు.