రామన్నపేట , అక్టోబర్ 18 స్థానికం ప్రతినిధి :

రామన్నపేట మండల శివారులో జరిగిన రోడ్డు ప్రమాదంలో తీవ్రంగా గాయపడి, పరిస్థితి విషమంగా ఉన్న ఇంద్రపాలనగరం గ్రామానికి చెందిన బాణాల గోపాల్ కుమారుడు రోహిత్‌ను గ్రామ సర్పంచ్ గర్దాస్ విక్రమ్ పరామర్శించారు. రోహిత్ ఆరోగ్య పరిస్థితిని అడిగి తెలుసుకుని, వైద్య ఖర్చుల నిమిత్తం రూ.10 వేల ఆర్థిక సాయాన్ని అందజేశారు. ప్రమాదంలో గాయపడిన రోహిత్ త్వరగా కోలుకోవాలని ఆకాంక్షించారు. ఆపద సమయంలో బాధిత కుటుంబానికి ఆర్థిక సహాయం అందించిన సర్పంచ్ విక్రమ్‌ను పలువురు అభినందించారు.