మహనీయుల విగ్రహాల ఏర్పాటుపై వట్టే జానయ్య యాదవ్‌కు గ్రామస్థుల వినతి

సూర్యాపేట జిల్లా టేకుమట్ల గ్రామంలో భారత రాజ్యాంగ నిర్మాత డాక్టర్‌ బి.ఆర్‌. అంబేద్కర్‌, దళిత నాయకుడు బాబూ జగ్జీవన్‌రామ్‌ విగ్రహాల ప్రతిష్ఠ కోసం గ్రామస్థులు బీసీ ఉద్యమ నాయకుడు వట్టే జానయ్య యాదవ్‌ను మర్యాదపూర్వకంగా కలిశారు. ఈ సందర్భంగా గ్రామంలో మహనీయుల విగ్రహాల ఏర్పాటుకు సంబంధించిన అంశాలను ఆయన దృష్టికి తీసుకెళ్లారు. సమాజ సమానత్వం, సామాజిక న్యాయం కోసం మహనీయులు చేసిన సేవలను స్మరించుకుంటూ వారి ఆశయాలను భావితరాలకు తెలియజేయాలనే ఉద్దేశంతో విగ్రహాల ప్రతిష్ఠకు గ్రామస్థులు కృషి చేస్తున్నారు. ఈ కార్యక్రమంలో టేకుమట్ల గ్రామానికి చెందిన పలువురు పాల్గొన్నారు.