నారాయణఖేడ్ మున్సిపల్ పట్టణంలోని మున్సిపల్ కార్యాలయంలో ఈ రోజు నూతనంగా ఎన్నికైన మున్సిపల్ కౌన్సిలర్లు ప్రమాణ స్వీకారం నిర్వహించారు.ఈ కార్యక్రమంలో మున్సిపల్ చైర్ పర్సన్‌గా నగేష్ కుమార్ షేట్కార్,వైస్ చైర్ పర్సన్‌గా దారం శంకర్ సెట్ ప్రమాణ స్వీకారం చేశారు.ఈ వేడుక నారాయణఖేడ్ నియోజకవర్గం శాసనసభ్యులు డాక్టర్ పి సంజీవరెడ్డి సమక్షంలో అధికారికంగా జరిగింది.ఈ సందర్భంగా ఎమ్మెల్యే మాట్లాడుతూ ముందుగా నూతనంగా ఎన్నికైన చైర్ పర్సన్, వైస్ చైర్ పర్సన్ మరియు కౌన్సిలర్లందరికీ శుభాకాంక్షలు తెలిపారు.ప్రజలు కాంగ్రెస్ పార్టీపై విశ్వాసం ఉంచి ఘనమైన మెజారిటీతో గెలిపించినందుకు కృతజ్ఞతలు తెలియజేశారు. నారాయణఖేడ్ పట్టణాన్ని అన్ని రంగాలలో అభివృద్ధి చేసి రాష్ట్రంలో ఆదర్శ మున్సిపాలిటీగా తీర్చిదిద్దేందుకు కృషి చేస్తామని తెలిపారు.ప్రజలకు అందుబాటులో ఉండే పరిపాలన,మౌలిక వసతుల అభివృద్ధి,పారిశుధ్యం,తాగునీరు,రహదారులు,విద్యుత్ వంటి అన్ని రంగాల్లో వేగవంతమైన అభివృద్ధి సాధిస్తామని హామీ ఇచ్చారు.అనంతరం భారీ ర్యాలీ నిర్వహించి విజయం సాధించిన అభ్యర్థులను కాంగ్రెస్ పార్టీ కార్యకర్తలు ఘనంగా సన్మానించారు.గజమాలతో అలంకరించి ఆనందోత్సాహాలతో అభినందనలు తెలిపారు.ఈ కార్యక్రమంలో నారాయణఖేడ్ సబ్ కలెక్టర్ ఉమ హారతి, మున్సిపల్ కమిషనర్ జగ్జీవన్ తదితర అధికారులు పాల్గొన్నారు. కార్యక్రమం ఉత్సాహభరిత వాతావరణంలో విజయవంతంగా ముగిసింది.