తెలంగాణ ఎమ్మార్పీఎస్ రాష్ట్ర అధ్యక్షులు మేడి పాపన్న మాదిగ ఆదేశానుసారం సూర్యపేట జిల్లా ప్రధాన కార్యదర్శిగా వంగాల వెంకన్న మాదిగ ను నియమిస్తున్నట్లు జిల్లా అధ్యక్షులు పల్లేటి లక్ష్మణ్ మాదిగ అన్నారు. తెలంగాణ ఎమ్మార్పీఎస్ ఏర్పడిన రోజు నుండి మేడి పాపన్న మాదిగ నాయకత్వంలో పనిచేసిన వ్యక్తి వంగాల వెంకన్న మాదిగ అని సూచించారు. అంతేకాకుండా ఎమ్మార్పీఎస్ ఉద్యమానికి మండల స్థాయి నుండి జిల్లా స్థాయి వరకు అనేక సేవలు చేస్తూ ఉద్యమ స్ఫూర్తితో పనిచేసిన వ్యక్తి వంగాల వెంకన్న మాదిగ అంటూ లక్ష్మణ్ మాదిగ కొనియాడారు. ఈ సందర్భంగా వంగాల వెంకన్న మాట్లాడుతూ.... నాపై నమ్మకం ఉంచి రాష్ట్ర అధ్యక్షులు మేడి పాపన్న మాదిగ , పల్లేటి లక్ష్మణ్ మాదిగ లు ఇంత బాధ్యత అప్ప చెప్పినందుకు చాలా సంతోషంగా ఉందని అన్నారు. అంతేకాకుండా తెలంగాణ ఎమ్మార్పీఎస్ ఉద్యమాన్ని ముందుకు తీసుకెళ్లి విషయంలో నా వంతు పాత్ర కచ్చితంగా పోషిస్తానని సూచించారు. సూర్యాపేట జిల్లా వ్యాప్తంగా అన్ని నియోజకవర్గాలు, మండలాలు తిరిగి కమిటీలు వేసి ఉద్యమాన్ని ఉధృతం చేస్తానని అన్నారు. సూర్యపేట జిల్లాలో మాదిగలకు ఎలాంటి అన్యాయం జరిగిన నేను ముందుండి జిల్లా అధ్యక్షులు పల్లెటి లక్ష్మణ్ మాదిగ తో సహకరిస్తానని అన్నారు. ప్రభుత్వ పథకాలు మాదిగలకు సక్రమంగా అందే విషయంలో తన వంతు గా ప్రజా ప్రతినిధులను కోరుతానని సూచించారు. అంతేకాకుండా రాష్ట్ర అధ్యక్షులు మేడి పాపన్న మాదిగ నాయకత్వంలో ఎమ్మార్పీఎస్ ఉద్యమంలో మండల స్థాయి నాయకులతో పాటు కలిసిపోయి సక్రమంగా పనిచేస్తానని అన్నారు. ఈ కార్యక్రమంలో రాష్ట్ర ఉపాధ్యక్షులు కనుకు జానయ్య మాదిగ, సూర్యాపేట నియోజకవర్గ ఇన్చార్జి చింత సైదులు మాదిగ, తుంగతుర్తి నియోజకవర్గం ఇంచార్జ్ పాల్వాయి సూరయ్య మాదిగ, జిల్లా నాయకులు మొండి కత్తి లింగయ్య మాదిగ, పాల్వాయి శ్రీనివాస్ మాదిగ ల తోపాటు తదితరులు ఉన్నారు.