మహిషాసుర మర్దినిగా అమ్మవారి దర్శనం

శ్రీ దుర్గాదేవి శరన్నవరాత్రి ఉత్సవాలను పురస్కరించుకుని చౌటుప్పల్‌లోని ప్రసిద్ధ శ్రీ సోమనాథ క్షేత్రంలో వేడుకలు కన్నులపండువగా సాగాయి. ఉత్సవాల్లో భాగంగా అమ్మవారు శ్రీ మహిషాసుర మర్దిని దేవి రూపంలో భక్తులకు దివ్యదర్శనమిచ్చారు. ఈ సందర్భంగా ఆలయంలో శ్రీ చండీ హోమం అత్యంత వైభవంగా, శాస్త్రోక్తంగా నిర్వహించారు.

​ఉత్సవాల ముగింపు సందర్భంగా భక్తుల కోసం భారీగా అన్నప్రసాద వితరణ చేపట్టారు. నవరాత్రుల అమ్మవారికి అలంకరించి పూజలు నిర్వహించిన ప్రత్యేక చీరలను, లడ్డూలను భక్తులు ఎంతో భక్తిశ్రద్ధలతో వేలం పాటలో దక్కించుకున్నారు.​ఈ కార్యక్రమంలో క్షేత్ర కమిటీ అధ్యక్షుడు బడుగు నరసింహ మాట్లాడుతూ.. సోమనాథ తత్వాన్ని భక్తులకు వివరించారు. మానసిక ప్రశాంతత, ఆధ్యాత్మిక ఉన్నతి కోసం భక్తులు మనోయోగ సాధన చేయాలని పిలుపునిచ్చారు.​ఈ కార్యక్రమంలో మాజీ మార్కెట్ చైర్మన్ బడుగు మాణిక్యం, క్షేత్ర కమిటీ గౌరవాధ్యక్షుడు అప్పిడి రామిరెడ్డి, కార్యదర్శి గట్టు ప్రభాకర్, రవీందర్, డాక్టర్ వేముల నరసింహ యమునా, కృష్ణమాచారి, గణేష్, భాస్కర్, సుదర్శన్ తదితరులు పాల్గొన్నారు.