హైదరాబాద్, అక్టోబర్ 21: హైదరాబాద్‌లోని చాదర్‌ఘాట్ పోలీస్‌స్టేషన్ పరిధిలో గుర్తుతెలియని బాలుడు పోలీసులకు లభ్యమయ్యాడు. స్థానిక ముస్లిం ఆసుపత్రి సమీపంలో బాలుడు ఒంటరిగా తిరుగుతుండటాన్ని గమనించిన స్థానికులు పోలీసులకు సమాచారం అందించారు. దీంతో పోలీసులు బాలుడిని సురక్షితంగా పోలీస్‌స్టేషన్‌కు తరలించారు.

ప్రస్తుతం బాలుడు చాదర్‌ఘాట్ పోలీసుల సంరక్షణలో ఉన్నాడు. చిన్నవాడు కావడంతో తన ఇంటి చిరునామా, తల్లిదండ్రుల వివరాలను స్పష్టంగా చెప్పలేకపోతున్నాడు. బాలుడి కుటుంబ సభ్యులను గుర్తించి, అతడిని తల్లిదండ్రుల చెంతకు చేర్చేందుకు పోలీసులు ప్రయత్నిస్తున్నారు.

బాలుడి వివరాలు తెలిసిన వారు సంప్రదించండి

ఈ బాలుడిని ఎవరైనా గుర్తించినా, అతడి కుటుంబ సభ్యుల వివరాలు తెలిసినా వెంటనే చాదర్‌ఘాట్ పోలీసులకు సమాచారం అందించాలని పోలీసులు కోరారు.

పోలీస్‌స్టేషన్: చాదర్‌ఘాట్, హైదరాబాద్

సంప్రదించాల్సిన ఫోన్ నంబర్: 8712661266

బాలుడు త్వరగా తన కుటుంబ సభ్యుల చెంతకు చేరేలా ఈ సమాచారాన్ని విస్తృతంగా ప్రచారం చేయాలని పోలీసులు ప్రజలకు విజ్ఞప్తి చేశారు.