భువనగిరి మున్సిపల్ చైర్ పర్సన్ తంగేళ్లపల్లి వాణి రవి కుమార్ హాజరై

-భజన బృందం గాత్రంతో అలరింపు

భువనగిరి పట్టణంలోని ప్రభుత్వ జూనియర్ కళాశాలలో సహజయోగ ధ్యాన పరిచయ కార్యక్రమం ఘనంగా నిర్వహించారు. ఈ కార్యక్రమానికి ముఖ్య అతిథిగా భువనగిరి మున్సిపల్ చైర్మన్ శ్రీ తంగళపల్లి వాణి రవి కుమార్ హాజరయ్యారు.అలాగే రాష్ట్ర సమన్వయకర్త గౌరీ కృష్ణ మరియు భువనగిరి సమన్వయకర్త గుండెగాని పాల్గొన్నారు.ఈ సందర్భంగా వారు విచ్చేసిన సత్యాన్వేషకులకు సహజయోగ ధ్యానం యొక్క ప్రాముఖ్యత,మానసిక ప్రశాంతత మరియు ఆధ్యాత్మిక అభివృద్ధిలో దాని పాత్ర గురించి వివరించారు. ధ్యానం ద్వారా వ్యక్తిగతంగా మరియు సమాజానికి కలిగే ప్రయోజనాలను కూడా వారు వివరించారు.ఈ కార్యక్రమంలో భాగంగా ఏర్పాటు చేసిన భజన బృందం తమ గాత్రంతో భక్తి గీతాలను ఆలపిస్తూ పాల్గొన్న వారిని ఎంతో ఆకట్టుకుంది. కార్యక్రమం ప్రశాంత వాతావరణంలో సాగి, పాల్గొన్నవారిలో ఆధ్యాత్మిక చైతన్యం కలిగించింది.