జెండా ఆవిష్కరించిన సర్పంచ్ పంచగామ బీరప్ప

నారాయణఖేడ్ స్థానిక ప్రతినిధి

నారాయణఖేడ్ నియోజకవర్గంలో మానూర్ మండల పరిధిలోని బోరంచ గ్రామంలో ఆదివారం కాంగ్రెస్ పార్టీ 141వ ఆవిర్భావ దినోత్సవ వేడుకలు ఘనంగా నిర్వహించబడ్డాయి.ఈ కార్యక్రమంలో సర్పంచ్ పంచగామ బీరప్ప, ఉపసర్పంచ్ మొల్ల కరిమ్ ఆధ్వర్యంలో కాంగ్రెస్ పార్టీ జెండాను ఆవిష్కరించారు. ఈ సందర్భంగా వారు మాట్లాడుతూ భూమి సంస్కరణల ద్వారా రైతులకు హక్కులు కల్పించిన ఘనత కాంగ్రెస్ పార్టీదేనని, పంచాయతీ రాజ్ వ్యవస్థను బలోపేతం చేసి గ్రామ స్వరాజ్యాన్ని అమలు చేసిన పార్టీ కాంగ్రెస్ అని తెలిపారు. అలాగే ఎంఎన్‌ఆర్‌జీఈఏ ద్వారా గ్రామీణ ప్రజలకు ఉపాధి అవకాశాలు కల్పించిందని, విద్య–ఆరోగ్య రంగాలకు పెద్దపీట వేసి సామాజిక న్యాయానికి కట్టుబడి పనిచేస్తున్న పార్టీ కాంగ్రెస్ అని పేర్కొన్నారు. దేశానికే కాదు, గ్రామ స్థాయి అభివృద్ధికి కూడా కాంగ్రెస్ పార్టీ చేసిన సేవలను ఈ సందర్భంగా గుర్తు చేశారు.ఈ కార్యక్రమంలో గ్రామ వార్డు మెంబర్లు, గ్రామ పెద్దలు గ్రామస్థులు యువత యువకులు తదితరులు పాల్గొన్నారు.