బోరంచ గ్రామ పంచాయతీలో నూతన పాలకవర్గం ప్రమాణ స్వీకారం

స్థానికం ప్రతినిధి

సంగారెడ్డి జిల్లా నారాయణఖేడ్ నియోజకవర్గం మానూర్ మండల పరిధిలోని బోరంచ గ్రామ పంచాయతీ కార్యాలయంలో సోమవారం నూతన పాలకవర్గం బాధ్యతలు స్వీకరించింది. ఇటీవల జరిగిన గ్రామ పంచాయతీ ఎన్నికల్లో సర్పంచ్‌గా ఎన్నికైన పంచగామ బీరప్ప, ఉపసర్పంచ్‌గా మొల్ల కరిమ్‌తో పాటు 10 మంది వార్డు సభ్యులకు మండల అధికారులు, పంచాయతీ కార్యదర్శుల ఆధ్వర్యంలో ప్రమాణ స్వీకారం చేయించారు.

ఈ సందర్భంగా సర్పంచ్, ఉపసర్పంచ్ మాట్లాడుతూ గ్రామ ప్రజల సహకారంతో బోరంచ గ్రామాన్ని అన్ని రంగాల్లో అభివృద్ధి దిశగా తీసుకెళ్తామని తెలిపారు. ప్రజలకు ఎల్లప్పుడూ అందుబాటులో ఉంటూ పారదర్శకంగా పాలన సాగిస్తామని హామీ ఇచ్చారు.

ఈ కార్యక్రమంలో ప్రభుత్వ అధికారులు, గ్రామ పెద్దలు, ప్రజాప్రతినిధులు, యువత, గ్రామస్థులు పెద్ద సంఖ్యలో పాల్గొని నూతన పాలకవర్గానికి శుభాకాంక్షలు తెలిపారు.