కేతపల్లి స్థానికం ప్రతినిధి

బీమారం గ్రామంలో నూతనంగా ఎన్నికైన సర్పంచ్ చిమట పద్మతో పాటు పాలకవర్గం ప్రమాణ స్వీకార కార్యక్రమం ఘనంగా జరిగింది. ఈ కార్యక్రమానికి నకిరేకల్ మాజీ ఎమ్మెల్యే చిరుమర్తి లింగయ్య ముఖ్య అతిథిగా హాజరయ్యారు.

ప్రమాణ స్వీకారం అనంతరం నూతన పాలకవర్గాన్ని అభినందించిన చిరుమర్తి లింగయ్య, గ్రామ అభివృద్ధి కోసం సమిష్టిగా పని చేయాలని సూచించారు. ప్రజల విశ్వాసానికి అనుగుణంగా పాలన సాగించాలని ఆకాంక్షించారు.

గ్రామ ప్రజలు, పార్టీ నాయకులు, కార్యకర్తలు పెద్ద సంఖ్యలో పాల్గొని కార్యక్రమాన్ని విజయవంతం చేశారు.