బోర్రెలగూడెం స్టేజి వద్ద ఘటన
ఆచూకీ తెలిస్తే పోలీసులకు సమాచారం ఇవ్వాలని విజ్ఞప్తి
చౌటుప్పల్ స్థానికం ప్రతినిధి:
అనారోగ్యంతో గుర్తుతెలియని వ్యక్తి మృతి చెందిన ఘటన సోమవారం చౌటుప్పల్ పరిధిలో చోటుచేసుకుంది. పోలీసుల వివరాల ప్రకారం... సుమారు 50 ఏళ్ల వయస్సున్న ఓ వ్యక్తి బోర్రెలగూడెం స్టేజి వద్ద మృతి చెంది ఉండటాన్ని స్థానికులు గమనించి పోలీసులకు సమాచారం అందించారు.పోలీసులు ఘటనా స్థలానికి చేరుకుని విచారణ చేపట్టారు. మృతుడు గత కొన్ని సంవత్సరాలుగా స్థానిక ఆందోల్ మైసమ్మ దేవాలయం సమీపంలో భిక్షాటన చేసుకుంటూ జీవనం సాగిస్తున్నట్లు స్థానికులు తెలిపారు. గత కొంతకాలంగా తీవ్ర అనారోగ్యంతో బాధపడుతున్నాడని, ఆ కారణంతోనే మరణించి ఉంటాడని ప్రాథమికంగా భావిస్తున్నారు.మృతుడిని గుర్తుపట్టిన వారు, అతని కుటుంబ సభ్యుల వివరాలు తెలిసిన వారు గానీ ఉంటే వెంటనే చౌటుప్పల్ పోలీస్ స్టేషన్కు (8712662744) సమాచారం అందించాలని పోలీసులు కోరారు.
పాఠకుల అభిప్రాయాలు
ఇప్పటివరకు ఎలాంటి కామెంట్స్ పోస్ట్ చేయలేదు.
కామెంట్ను పోస్ట్ చేయండి