తంగడపల్లిలో ఇల్లు పై దాడి.. 15 బీరు బాటిళ్లు జప్తు

చౌటుప్పల్ స్థానికం ప్రతినిధి:

మండల పరిధిలోని తంగడపల్లి గ్రామంలో అక్రమంగా నిర్వహిస్తున్న మద్యం విక్రయాలపై పోలీసులు దాడి చేసి 15 బీరు బాటిళ్లను స్వాధీనం చేసుకున్నారు. చౌటుప్పల్ ఇన్ స్పెక్టర్ డి.సతీష్ రెడ్డి తెలిపిన వివరాల ప్రకారం... పెట్రో మొబైల్-1 విధుల్లో ఉన్న హెడ్ కానిస్టేబుల్ వి.శ్రీనివాస్ (హెచ్‌సీ 1843)కు తంగడపల్లి గ్రామంలో అక్రమంగా మద్యం విక్రయిస్తున్నట్లు నమ్మదగిన సమాచారం అందింది.​ఈ మేరకు శుక్రవారం తంగడపల్లికి చెందిన రాచకొండ సుజాత (34) ఇంట్లో పోలీసులు తనిఖీలు నిర్వహించారు. ఈ తనిఖీల్లో విక్రయానికి సిద్ధంగా ఉంచిన 15 'కె.ఎఫ్. లైట్' బీరు బాటిళ్లు లభించగా, వాటిని పోలీసులు స్వాధీనం చేసుకున్నారు. అక్రమంగా మద్యం విక్రయిస్తున్న సదరు మహిళపై కేసు నమోదు చేసి దర్యాప్తు జరుపుతున్నట్లు సీఐ సతీష్ రెడ్డి తెలిపారు.