శాలిగౌరారం మండలం మాధవరం కలాన్‌ శివారులో రోడ్డు ప్రమాదం

నల్గొండ జిల్లా: తుంగతుర్తి నియోజకవర్గ పరిధిలోని శాలిగౌరారం మండలం మాధవరం కలాన్‌ గ్రామ శివారులో జాతీయ రహదారిపై ఘోర రోడ్డు ప్రమాదం చోటుచేసుకుంది. రహదారిపై నిలిపి ఉంచిన లారీని వెనుక నుంచి వేగంగా వచ్చిన బైక్‌ ఢీకొట్టడంతో ఓ వ్యక్తి మృతి చెందాడు.

ఈ ప్రమాదంలో ఇటుకులపాడు గ్రామానికి చెందిన అంబటి అంజయ్య మృతి చెందినట్లు గుర్తించారు. ప్రమాద సమాచారం అందుకున్న సంబంధిత అధికారులు మృతదేహాన్ని నకిరేకల్‌ ప్రభుత్వ ఆసుపత్రి మార్చురీకి తరలించారు.ఈ ఘటనతో మృతుడి స్వగ్రామంలో విషాదం నెలకొంది.