చిట్యాల మున్సిపాలిటీ 11వ వార్డ్‌లో చిన్నపిల్లలు ఉండే అంగన్వాడీ సమీపంలో నిర్మాణంలో ఉన్న టాయిలెట్ల పనుల్లో తీవ్ర నిర్లక్ష్యం బయటపడుతోంది. సుమారు మూడు నెలలుగా కొనసాగుతున్న ఈ నిర్మాణ పనుల్లో ప్రాథమిక నాణ్యత ప్రమాణాలు పాటించడం లేదని స్థానికులు ఆరోపిస్తున్నారు.

స్థానికుల వివరాల ప్రకారం, టాయిలెట్ నిర్మాణానికి వేసిన బేస్మెంట్‌కు ఇప్పటివరకు కనీసం ఒక్క బకెట్ నీరు కూడా పోయలేదని చెబుతున్నారు. నిర్మాణంలో అత్యంత కీలకమైన దశ అయిన బేస్మెంట్ కట్టిన తర్వాత సరైన కరువు (curing) చేయకపోవడం వల్ల భవనం బలహీనంగా మారే ప్రమాదం ఉందని నిపుణులు హెచ్చరిస్తున్నారు.ఇప్పటికే గోడల నిర్మాణం ప్రారంభించినప్పటికీ, సిమెంట్ మిశ్రమం కూడా సరైన ప్రమాణాల్లో కలపడం లేదని ఆరోపణలు వస్తున్నాయి. దీనివల్ల నిర్మాణం పూర్తయిన తర్వాత అది ఎంతకాలం నిలబడుతుందనే అనుమానాలువ్యక్తమవుతున్నాయి.చిన్నపిల్లలు ఉపయోగించే అంగన్వాడీకి సంబంధించిన టాయిలెట్లు కావడంతో మరింత జాగ్రత్తగా నిర్మాణం చేయాలి. కానీ ఇక్కడ మాత్రం పూర్తి నిర్లక్ష్యం కనిపిస్తోంది,” అని కాలనీ వాసులు ఆవేదన వ్యక్తం చేశారు.

ఇలాంటి పరిస్థితుల్లో సంబంధిత అధికారులు వెంటనే స్పందించి, పనులను తనిఖీ చేసి, నాణ్యతా ప్రమాణాలను కచ్చితంగా అమలు చేయాలని స్థానికులు డిమాండ్ చేస్తున్నారు.