చిట్యాల: మున్సిపాలిటీలోని 2వ వార్డులో నెలకొన్న తాగునీటి సమస్యను తక్షణమే పరిష్కరించి, ప్రజలకు సక్రమంగా నీటి సరఫరా అందించాలని కోరుతూ వార్డు కౌన్సిలర్ షబానా అజీముద్దీన్ శుక్రవారం మున్సిపల్ కమిషనర్‌కు వినతిపత్రం అందజేశారు.

వార్డులో ప్రజలు ఎదుర్కొంటున్న తాగునీటి ఇబ్బందులను కమిషనర్ దృష్టికి తీసుకెళ్లారు. ప్రతి కుటుంబానికి నిరంతరాయంగా తాగునీరు అందేలా అవసరమైన చర్యలు చేపట్టాలని కోరారు. ప్రజలకు మౌలిక సదుపాయాలు కల్పించడంతో పాటు, సమస్యలను త్వరితగతిన పరిష్కరించేందుకు కృషి చేస్తున్నట్లు కౌన్సిలర్ తెలిపారు.