చౌటుప్పల్ మున్సిపల్ కార్యాలయంలో 13వ వార్డు కౌన్సిలర్‌గా బత్తుల వాణి విప్లవ్ గౌడ్ శుక్రవారం ప్రమాణ స్వీకారం చేశారు. మునుగోడు కాంగ్రెస్ పార్టీ ఎన్నికల ఇంచార్జ్ పబ్బు రాజు గౌడ్, వ్యవసాయ మార్కెట్ చైర్మన్ ఉబ్బు వెంకటయ్య, వైస్ చైర్మన్ ఆకుల ఇంద్రసేనారెడ్డి, మున్సిపాలిటీ ఇన్చార్జి బాలు మహేంద్ర, నాయకులు కాసర్ల శ్రీనివాస్ రెడ్డి, జైపాల్ రెడ్డి తదితరులు ఆమెను శాలువాతో సత్కరించి అభినందనలు తెలిపారు. నాయకులు మాట్లాడుతూ..13వ వార్డు అభివృద్ధి, ప్రజా సమస్యల పరిష్కారంలో కౌన్సిలర్ చురుకుగా వ్యవహరించాలని సూచించారు. పార్టీ శ్రేణులు సమన్వయంతో పని చేయాలని కోరారు.ఈ కార్యక్రమంలో 13వ వార్డు కాంగ్రెస్ పార్టీ నాయకులు, కార్యకర్తలు, అభిమానులు పెద్ద సంఖ్యలో పాల్గొన్నారు.