భువనగిరి: రాయగిరిలోని యూనిటీ పీజీ కళాశాలలో ప్రథమ సంవత్సరం విద్యార్థుల ఓరియంటేషన్‌ డేను నిర్వహించారు. యూనిటీ గ్రూప్‌ ఆఫ్‌ కాలేజెస్‌ చైర్మన్‌ ఏ.ప్రభాకర్‌రెడ్డి, డైరెక్టర్లు సోమచందు, పి.గోవర్ధన్‌రెడ్డి, ప్రిన్సిపాళ్లు డాక్టర్‌ ఎం.ఎస్‌.సరిత, డాక్టర్‌ అంబటి శ్రీనివాస్‌ జ్యోతి ప్రజ్వలన చేసి కార్యక్రమాన్ని ప్రారంభించారు.

ఈ సందర్భంగా ప్రభాకర్‌రెడ్డి మాట్లాడుతూ.. 17 ఏళ్లుగా నాణ్యమైన విద్యను అందిస్తున్నామని తెలిపారు. ఎంబీఏతో ఉద్యోగ, పారిశ్రామిక అవకాశాలు మెరుగుపడతాయని పేర్కొన్నారు. విద్యార్థులు సమాజ శ్రేయస్సుకు పాటుపడాలని సూచించారు.

కార్యక్రమంలో ఏవో పి.సునీత, హెచ్‌ఓడీ జి.సురేష్‌, అధ్యాపకులు, విద్యార్థినీ విద్యార్థులు పాల్గొన్నారు.