కలెక్టర్ హనుమంతు రావుకు అడిషనల్ సెక్రటరీ హోదా

స్థానికం ప్రతినిధి కొండ మల్లేశం గౌడ్

తెలంగాణ రాష్ట్ర పరిపాలనలో కీలక పరిణామంగా 2013 బ్యాచ్‌కు చెందిన 11 మంది ఐఏఎస్ అధికారులకు అడిషనల్ సెక్రటరీ హోదాలు కల్పిస్తూ రాష్ట్ర ప్రభుత్వం బుధవారం సర్కులర్ విడుదల చేసింది. ఈ జాబితాలో యాదాద్రి భువనగిరి జిల్లా కలెక్టర్ హనుమంతు రావు ఉండటం జిల్లాకు గర్వకారణంగా మారింది.

ఈ సందర్భంగా జిల్లా సామాజిక నాయకులు కొడారి వెంకటేష్, బర్రె సుదర్శన్ మాట్లాడుతూ— పరిపాలనా నైపుణ్యం, ప్రజాసేవ పట్ల నిబద్ధతతో కలెక్టర్ జిల్లాను అభివృద్ధి దిశగా ముందుకు తీసుకెళ్తున్నారని ప్రశంసించారు. అడిషనల్ సెక్రటరీ హోదాతో జిల్లాకు మరింత ప్రాధాన్యం లభించి, అభివృద్ధి కార్యక్రమాలు వేగం పుంజుకుంటాయని ఆశాభావం వ్యక్తం చేశారు.

ఈ ఘనతను పురస్కరించుకుని బుధవారం జిల్లా సామాజిక కార్యకర్తలు కలెక్టర్ హనుమంతు రావును ఘనంగా సన్మానించారు. కార్యక్రమంలో కొడారి వెంకటేష్, బర్రె సుదర్శన్, బుద్దుల సునీత, నల్ల కృష్ణ తదితరులు పాల్గొని శుభాకాంక్షలు తెలిపారు.